Literaturhistoria muzeo de Janko Kráľ ekestis en la jaro 1955 kaj de la jaro 1961 havas sidejon en estinta departementa domo (tielnomata Seliga domo). Parton de la kolektoj ĝi ricevis per disdivido de tiama Muzeo de slovaka karsto kaj per transigo de materialoj pri poeto Janko Kráľ el Matica slovenská el la urbo Martin. La muzeo en sia kolekta agado orientiĝas al dokumentado de historiaj kaj literaturaj tradicioj de Liptov kaj historio de la urbo Liptovský Mikuláš. Kolektoj de la muzeo havas grandparte lieraturan karakteron kaj ili estas ligitaj al gravaj personecoj  kiuj agadis  en la urbo Liptovský Mikuláš kaj ĝia ĉirkaŭaĵo kaj al gravaj historiaj okazaĵoj ligitaj kun la urbo (J. Tranovský, M. Blaho, M. M. Hodža, G. Fejérpataky-Belopotocký, S. Bohdan Hroboň, J. Kráľ, A. Stodola, I. Stodola, J. Jánošík, M. Rázus, M. Rázusová-Martáková, societo Tatrín, Petoj de slovaka nacio). De la jaro 1992 la muzeo profiliĝas kiel urba muzeo, kio aparte influas ĝiajn kolektaĵokreajn aktivecojn. La muzeo kolektas unuavice dokumentojn pri historio de la urbo kaj pri personecoj de kultura, socia kaj politika vivo. La unua konstanta ekspozicio estis alirebla en la jaro 1970 en domo de Seliga. Kolektaĵa bazo de la muzeo enhavas 9 521 registrajn numerojn, kio estas 11 117 pecojn. La muzeo havas multnombran apudmanan bibliotekon kaj riĉan historian bibliotekon. Sur teretaĵo de la konstruaĵo troviĝas ekspoziciaj haloj, kie okazadas malgrandaj ekspozicioj.

     Liptova muzeo en Ružomberok ekestis kiel institucio de Liptova muzea societo en la jaro 1912. En la jaro 1921 ĝin transprenis kiel publikan institucion la urbo Ružomberok sub nomo Liptova muzeo. La muzeo havas sidejon de la jaro 1937 en konstruaĵo, kiun la urbo konstruis laŭ la projekto de V. Donner. En la jaro 1974 estis al la muzeo aligita Etnografia muzeo en Liptovský Hrádok. La muzeo de sia ekesto havas patrujgrafian karakteron.
            Por publiko estas alireblaj ekspozicioj de naturo, arkeologio, etnografio kaj paperindustrio en Slovakio kaj ekspozicio pri vivo kaj verko de Andrej Hlinka. Ĉiuj estas lokigitaj en ĉefa konstruaĵo de la muzeo.

            Slovaka muzeo de naturprotekto kaj speleologio (SMOPaJ) ekestis kiel societa muzeo sub nomo Muzeo de slovaka karsto en la jaro 1930. La muzeo de sia fondo amasigis ne nur natursciencajn kolektojn, sed ankaŭ kolektojn etnografiajn, historiajn, arkeologiajn, kaj aliajn. En la unua etapo de sia funkciado ĝi orientiĝis al karsto en Slovakio kaj regiono de supra Liptov-regiono. De la jaro 1949 ĝi orientiĝas ekskluzive al karsto kaj speleologio en Slovakio. En la jaroj 1970 – 81 kreis SMOPaJ unu el partoj de organizo de slovaka speleologio. De la jaro 1981 ĝia agadkampo larĝiĝis ankaŭ al protekto de naturo en Slovakio (kiel Muzeo de slovaka karsto kaj naturprotekto), en la jaroj 1987 – 1990 eĉ ĝi ŝanĝiĝis je Muzeo de evoluo de naturprotekto. Karaktero de kolektoj eliras el longjara orientiĝo. Speleologiajn kolektojn reprezentas krom aliaj solspeca kolekto de sintroj (2 125 pecoj). En protekto de naturo dominas kolektoj de protektataj specioj de flaŭro kaj faŭno. Ampleksa estas ankaŭ kolekto de mineraloj konsistanta el 2 779 specoj.

            Muzeo de Liptova vilaĝo en civito Pribylina estas elŝovita ekspozicio de Liptova muzeo en la urbo Ružomberok. En la jaro 1991 estis por publiko alirebligita ĝia unua parto. Ĉi tie estas konstruaĵoj el superakvigita regiono de la valbaraĵo Liptovská Mara kaj el kelkaj civitoj el supra kaj suba Liptov-regiono. Vivon de loĝantoj en vilaĝo montras loĝejo de sengrundulo el Liptovská Sielnica kaj Černová, loĝadon de mezkamparanoj kaj metiistoj reprezentas domoj de kudristo kaj ledaĵisto el Likavka, forĝisto el Liptovská Kokava kaj radfaristo el Liptovská Sielnica. Vivon de pli riĉaj socitavoloj dokumentas domo de vilaĝestro el Liptovský Trnovec, nobela domo el Paludza kaj kastelo el Parížovce. Interesa estas ankaŭ lernejo el Valašská Dubová. Dominanto de arealo estas gotika preĝejo de Maria Virgulino el Liptovská Mara.
En muzeo de Liptova vilaĝo oni organizas okaze ankaŭ kulturajn programojn. Atraktiva estas  ĉevalrajdado. Vendado de suveniroj kaj refreŝigaĵoj.

            La muzeo situas en valfaŭko de Račko-valo, rekte super ĝi altiĝas montopintoj de Okcidentaj Tatroj. Ĝi estas alirebla por publiko de la jaro 1991.
Ekster sezono oni povas interkonsenti vizitojn en Muzeo de Liptova vilaĝo, tel.: 044/5293 163 aŭ Liptova muzeo en Ružomberok, tel.: 044/43 22 469

            En Kamparana domo troviĝas ekspozicio de origina loĝado kaj popola arkitekturo. Kamparana domo en Vlkolínec estas elŝovita ekspozicio de Liptova muzeo en Ružomberok, kiu estis alirebla en la jaro 1991. La objekto apartenas al aro de konservitaj du- kaj trispacaj trabaj domoj, kiuj apartenas al tipaj konstruaĵoj de regiona arkitekturo en norda parto de meza Slovakio. Kamparana trispaca traba domo n. 15 estis konstruita en la jaro 1886. Konservita origina ena divido de domo kaj ekipo de ejinterno donas bildon pri vivmaniero de loĝantoj en domo kaj en tuta vilaĝo dum unuaj dekjaroj de la 20-a jarcento. La civito Vlkolínec estas administre aligita al Ružomberok. Por siaj neanstataŭeblaj landaj, naturaj kaj arkitekturaj valoroj ĝi estis envicigita en mondan kulturan heredaĵon UNESCO. Vendo de suveniroj kaj refreŝigaĵoj.